काठमाडौं । प्रधानमन्त्री शेरबहादुर देउवाले सभामुख अग्निप्रसाद सापकोटालाई टेलिफोन गरेका छन् । फोनमा प्रधानमन्त्री देउवाले सभामुख सापकोटालाई कार्यव्यवस्था परामर्श समितिको बैठक बोलाउन आग्रह गरेका छन् ।

देउवाले मंगलबार सभामुख सापकोटालाई टेलिफोन गरी प्रतिनिधि सभा बैठकका कार्यसूची तय गर्न समितिको बैठक बोलाउन आग्रह गरेका हुन्।

प्रतिनिधि सभा बैठक बुधबार बस्ने तय भएको छ । तर कार्यव्यवस्था परामर्श समितिको बैठक बस्ने/नबस्ने तय भएको छैन । त्यसकै लागि प्रधानमन्त्री देउवाले सभामुख सापकोटालाई फोन गरेका हुन्।

प्रतिनिधि सभाको बैठकमा एमसीसी टेबुल हुने सम्भावना छ । कानुनमन्त्री दिलेन्द्र प्रसाद बडुका अनुसार भोलिकै बैठकमा एमसीसी टेबुल गरौं भन्ने प्रस्ताव कांग्रेसले गरेको छ ।

यसअघि आज बसेको कांग्रेस संसदीय दलको बैठकमा उपस्थित अधिकांश सांसदहरुले एमसीसीको पक्षमा बहस गरेका थिए। उनीहरू सबैले छिटो भन्दा छिटो एमसीसी अनुमोदन गर्नुपर्ने बताएका छन्।