सर्लाही । प्रहरीले सर्लाहीको हरिवनबाट चोरी तथा अन्य मुद्दाका फरार प्रतिवादीलाई पक्राउ गरेको छ ।

पक्राउ पर्नेमा जिल्लाको हरिवन नगरपालिका वडा नम्वर ७ बस्ने ४२ वर्षीय गुना भन्ने गन्जलाल घिसिङ रहेका छन् । सर्लाही जिल्ला अदालतले १ महिना कैद र १ लाख १३ हजार २०० रुपैयाँ जरिवाना तोकेपछि घिसिङ फरार रहेका थिए ।

उनलाई विहिबार दिउँसो घरबाटै पक्राउ गरिएको इलाका प्रहरी कार्यालय हरिवनले जनाएको छ ।

हाल हरिवन प्रहरीको हिरासतमा रहेको उनलाई आवश्यक कारबाहीका लागि सर्लाही जिल्ला अदालत पठाउने तयारी प्रहरीले गरेको छ ।