काठमाडौं । कोरोना संक्रमण कम हुन थालेपछि सरकारले लगाएको प्रतिबन्ध खुकुलो बनाउदै लगेको छ ।

सोही अनुसार अब विदेशबाट नेपाल आउने यात्रुले कोरोनाविरुद्धको खोपको पूर्ण मात्रा लगाएको खोप कार्ड वा पीसीआर रिपोर्टमध्ये एउटा देखाए पुग्ने भएको हो ।

खोप कार्ड वा पीसीआर नेगेटिभ भएको प्रमाणपत्र ल्याउनेले क्वारेन्टिन पनि बस्नु नपर्ने अध्यागमन विभागले जनाएको छ ।

यही १६ फागुनको मन्त्रिपरिषद् बैठकले सो निर्णय गरेको थियो । निर्णयअनुसार अब हवाई तथा स्थलमार्गबाट यात्रुहरु निर्वाध नेपाल आउन पाउने छन् ।

नेपाल आउँदा यात्रुले खोप लगाएको प्रमाण पत्र पेश गर्नुपर्ने छ । प्रमाणपत्र पेश गर्न नसक्ने यात्रुले यात्रा शुरु गर्नु अगाडि ७२ घण्टाभित्रको परक्षिणको नतिजा नेगेटिभ आएको प्रमाणपत्र देखाएमा समेत नेपाल प्रवेश पाउने छन् ।

हेर्नुहोस् सूचना :