काठमाडौं । गोरखामा जुवा खेलिरहेको अवस्थामा करिब चार लाख नगदसहित १९ जना पक्राउ परेका छन् ।

जिल्ला प्रहरी कार्यालय गोरखाका अनुसार सौरपानीमा जुवा खेलिरहेका १९ जनालाई तीन लाख ९० हजार आठ सय ४० रूपैयाँसहित पक्राउ गरिएको हो ।

उनीहरूले कौडा खेलेका थिए । उनीहरूलाई गए राति करिब १ बजेतिर नियन्त्रणमा लिइएको प्रहरीले जनाएको छ।

बारपाक सुलिकोट गाउँपालिकाअन्तर्गत पर्ने सौरपानीको स्थानीय एक घरको आँगनमा उनीहरूले जुवा खेलेका थिए।
उनीहरुमाथि कानुनअनुसार कारबाही गरिने प्रहरीले बतायो ।