काठमाडौं । सत्तारुढ गठबन्धनमा संघ र प्रदेशको निर्वाचन कात्तिक वा मंसिरमा गर्ने गरी छलफल सुरु भएको छ ।

आगामी कात्तिक अन्तिम वा मंसिर अन्तिम हप्ता प्रतिनिधिसभा र प्रदेश सभाको निर्वाचन गर्ने गरी छलफल सुरु भएको सत्तारुढ दलका नेताहरुले बताएका छन् ।

मंगलबार प्रधानमन्त्रीको सरकारी निवास बालुवाटारमा बसेको शीर्ष नेताको बैठकमा निर्वाचनबारे सामान्य छलफल भएको थियो । निर्वाचनबारे छलफल सुरु भएको र नेताहरूको मिश्रित जवाफ आएको बताइएको छ ।

२०७४ को सालमा मंसिर १० गते र २१ गते गरी दुई चरणमा निर्वाचन भएको थियो । अवधि सकिनुअगावै निर्वाचन गर्न मंसिरअघिको समय उपयुक्त हुने बताइएको छ ।