एजेन्सी । मध्य श्रीलङ्काको पोलोनारुवास्थित सुधार गृह (पुनर्वास केन्द्र) बाट ६०० भन्दा बढी कैदीहरू फरार भएका छन् ।

दुई कैदी समूहबीच झगडा भएपछि बुधबार उनीहरु सुधार गृहबाट फरार भएका श्रीलङ्काको प्रहरीले घटनाको पुष्टि गरेको छ ।

प्रहरी प्रवक्ता निहान थल्दुवाले भने, “सैनिक र थप प्रहरी बललाई कान्दाकादु पुनर्वास केन्द्रमा खटाएर सुधार गृह क्षेत्रलाई घेरा हाली भागेका कैदीहरूको खोजी सुरु गरिएको छ।”

उक्त सुधार गृहमा करिब एक हजार कैदीलाई राखिएको थियो । सन् १९४८ मा स्वतन्त्र भएदेखि देशले सबैभन्दा खराब आर्थिक सङ्कटको सामना गरिरहेको बेला इन्धनको अभावले श्रीलङ्कालाई अझै पनि पिरोलेको छ।