काठमाडौं । नेपाल प्रहरीको प्राविधिकतर्फका प्रहरी वरिष्ठ उपरीक्षक (एसएसपी) अरुण कुमार भण्डारी नायब महानिरीक्षक (डिआइजी) बढुवामा सिफारिस भएका छन् ।

प्रहरी महानिरीक्षक धीरजप्रताप सिंह नेतृत्वको बढुवा सिफारिस समितिको आइतबारको बैठकले भण्डारीलाई डिआइजीमा बढुवाको सिफारिस गरेको हो ।

समितिले प्रहरी नियमावली, २०७१ (संशोधन सहित) को नियम २७ को उपनियम (४) अनुसार बढुवाका लागि सिफारिस गरेको बढुवा समितिका सदस्य–सचिव एवं प्रहरी अतिरिक्त महानिरीक्षक पुजा सिंहले जानकारी दिइन् ।

उनी नेपाल प्रहरी प्रधान कार्यालय सूचना प्रविधि निर्देशनालय कम्प्युटर महाशाखा नक्सालमा कार्यरत छन् ।