विराटनगर । सडक निर्माण गर्ने कामदार बस्नका लागि निर्माण गरिएको ट्रष्टमा एक जनाको शव फेला परेको छ ।
विराटनगर महानगरपालिका-१३ स्थित हिमालय आँखा अस्पतालको उत्तर साइडमा रहेको एउटा घरभित्र सडेको अवस्थामा अन्दाजी ४५/५० वर्षीय पुरुषको शव फेला परेको हो।
शव भेटिएको घरमा अरु कोही पनि नरहेको र शव किरा परेको र सडेर दुर्गन्धित भएको अवस्थामा फेला परेको जिल्ला प्रहरी कार्यालय मोरङले जनाएको छ।
शव पोस्टमार्टमका लागि विराटनगरको कोसी अस्पतालमा ल्याएर घटनाको अनुसन्धान सुरु गरिएको प्रहरीले जनाएको छ।
Leave a Reply