काठमाडौं । नागपोखरी स्थित सन्तोषी माताको मन्दिरबाट सुन र चाँदीका गहना चोरेको आरोपमा प्रहरीले ३ जनालाई पक्राउ गरेको छ ।

पक्राउ पर्नेमा सिन्धुपाल्चोकको चौतारा घर भएकी १८ वर्षीया सबिना पराजुली, गुल्मी घर भएका २५ वर्षीय विष्णु पछाई र सर्लाही घर भएका २० वर्षीय सिद्धार्थ बुढाथोकी छन् ।

असार २३ मा मन्दिरको ताला फोडेर करिब १२ लाख मूल्य बराबरको गरगहनाहरू चोरी भएको थियो ।

मन्दिरबाट चोरी भएका सिक्का र गहनाहरू आरोपीहरूको साथबाट बरामद गरिएको जिल्ला प्रहरी परिसर काठमाडौंले जनाएको छ । चोरीमा संलग्नहरूलाई साउन १ मा पक्राउ गरेर प्रहरी वृत्त मालिगाउँले ७ दिनको म्याद लिएर अनुसन्धान गरिरहेको छ ।