काठमाडौँ । बेलायती महारानी एलिजाबेथ द्वितीयको निधनपछि उनको सम्मानमा शुक्रबारका लागि तय भएका विभिन्न खेल प्रतियोगिताहरू स्थगित गरिएका छन् ।
महारानी एलिजाबेथको निधनपछि उनको सम्मानमा इंग्ल्यान्ड र दक्षिण अफ्रिकाबीचको तेस्रो टेष्ट क्रिकेट खेल शुक्रबार नहुने बीबीसीले जनाएको छ । त्यसैगरी घोडा दौड प्रतियोगिताहरू पनि स्थगित गरिएका छन् ।
शुक्रबारका लागि तय भएको गल्फ प्रतियोगिता तथा इंग्लिस प्रिमियर लिगका दुई खेल पनि स्थगित गरिएका छन् । रग्बीका खेलहरू पनि रोकिएका छन् ।
बेलायतमा ७० वर्ष लामो समयसम्म गद्दीमा रहेकी महारानी द्वितीयाको ९६ वर्षको उमेरमा बाल्मोरलमा निधन भएको हो ।
उनी बेलायतमा सबभन्दा लामो समय, ७० वर्ष सात महिना अवधि शासन गर्ने महारानी हुन्। उनी सन् १९५२ मा महारानी बनेकी थिइन्। रानी एलेजावेथका चार्ल्ससहित चार सन्तान छन्।
Leave a Reply