सिन्धुली । सिन्धुलीको मरिण गाउँपालिकाले स्नातक पास गरेर मात्रै बिहे गर्ने किशोरीहरुलाई एक लाख पुरुस्कार दिने भएको छ ।

गाउँपालिकामा जनजातीहरुको धेरै बसोबास रहेको र चेतनाको कमीका कारण उमेर नपुगी बिहे गर्ने प्रचलन भएका कारण त्यसलाई रोक्न गाउँपालिकाले यस्तो नीति ल्याएको हो ।

गाउँपालिका अध्यक्ष विमर्श मुक्तानका अनुसार मरिण गाउँपालिकामा जनजातीको बाहुल्यता रहेको छ ।

‘तर उनीहरुमा चेतनाको कमी छ,’उनले भने,’उच्च शिक्षा हासिल गर्ने छात्राहरुको कमी छ । उनीहरुको शिक्षामा प्रोत्साहन होस् भनेर यो कार्यक्रम ल्याइएको हो।’