काठमाडौं । नेपाली राष्ट्रिय क्रिकेट टिमले युनाइटेड अरब इमिरेट्स (यूएई) सँग तीन खेलको एकदिवसीय क्रिकेट शृङ्खला खेल्ने भएको छ ।

नेपाल क्रिकेट संघ (क्यान) का अनुसार नेपालले यूएईसँग कार्तिक अन्तिम सातादेखि एकदिवसीय शृङ्खला खेल्ने भएको हो । क्यानले यूएईविरुद्ध हुने सिरिजको खेल तालिका सोमबार जारी गरेको हो ।

कीर्तिपुरस्थित टीयू मैदानमा खेल हुनेछ । जस अनुसार पहिलो वान डे कात्तिक २८ मा हुनेछ भने दोस्रो वान डे कात्तिक ३० मा हुनेछ ।

तेस्रो तथा अन्तिम खेल मंसिर २ मा हुनेछ । नेपालका यी खेल नामिबियामा हुने त्रिकोणात्मक ‘वान डे’ सिरिजको तयारी हुने बताइएको छ ।