काठमाडौं । आईसीसी टी–२० विश्वकपमा छनोट भएसँगै नेपालको वरीयतामा पनि सुधार भएको छ ।

अन्तर्राष्ट्रिय क्रिकेट परिषद् (आईसीसी) को टी–२० वरीयतामा नेपाल १५औं स्थानमा उक्लिएको हो ।

टी–२० विश्व कप एसिया क्षेत्र छनोट अघि नेपाल १६औं स्थानमा थियो । नेपालले विश्व कप छनोटमा ४ मध्ये ३ खेल जितेसँगै वरीयता पनि सुधार भएको हो ।

नेपालले नेदरल्यान्ड्सलाई पछि पार्दै एक स्थान सुधार गरेको हो। नेदरल्याण्ड्स १६ औं स्थानमा छ। आईसीसी टी–२० वरीयतामा भारत शीर्ष स्थानमा रहेको छ ।