काठमाडौं । आईसीसी टी–ट्वान्टी पुरुष विश्वकप क्रिकेटमा घरेलु टोली आयोजक अष्ट्रेलियाले अफगानिस्तानमाथि रोमाञ्चक जित निकालेको छ ।

एडिलेटमा शुक्रबार भएको रोमाञ्चक खेलमा अष्ट्रेलियाले अन्तिम ओभरमा मात्र ४ रनले जित हात पारेको हो ।

अष्ट्रेलियाले पहिले ब्याटिङ गदै १ सय ६९ रनको लक्ष्य दिएको थियो। लक्ष्य पछ्याएको अफगानिस्तानले २० ओभरमा ७ विकेट गुमाएर १ सय ६४ रनमात्र बनाउन सक्यो ।

यो जितसँगै अस्ट्रेलिया पाँच खेलमा सात अङ्कसहित समूह ‘ए’ को तालिकाको दोस्रो स्थानमा उक्लिएको छ । अस्ट्रेलियाले सेमिफाइनल खेल्ने सम्भावना कायमै राखेको छ ।