काठमाडौं । स्याङ्जा-२ मा नेपाली कांग्रेसका उपसभापति धनराज गुरूङले अग्रतालाई फराकिलो बनाएका छन्।
जारी मतगणनामा गुरूङले २५ हजार ६ सय ५३ मत ल्याएका छन् भने एमाले सचिव पद्मा अर्यालले २२ हजार २ सय १३ मत ल्याएकी छन्।
चापाकोट नगरपालिकाका-३ को मत गणना सकिएको छ । उक्त वडामा प्रतिनिधिसभामा नेपाली कांग्रेसका उम्मेदवार धनराज गुरुङले १४२६ मत पाएका छन् ।
त्यस्तै नेकपा एमालेकी पद्मा अर्यालको १०३ मत पाएकी छन् । यो वडामा अर्यालभन्दा गुरुङ १३२३ मतले अगाडि छन् । त्यसैगरी प्रदेशमा त्यसरी नै मत परिणाम आएको छ ।
प्रदेशसभा २ मा नेपाली कांग्रेसका उम्मेदवार महेश भट्टराईलाई पनि १४२६ मत आएको छ । नेकपा एमालेका बुद्धिमान श्रेष्ठले १०३ मत पाएका छन् ।
यस्तै, राष्ट्रिय स्वतन्त्र पार्टीका उम्मेदवार टिकराज गुरूङले ७ हजार ६ सय १० मत ल्याएका छन्। चापाकोट नगरपालिकाका वडा नम्बर ३,४ र ५ मा बुथ क्याप्चर भएको भन्दै एमालेले पुनस् मतदानको माग गरेपनि निर्वाचन आयोगले पुनस् मतदान नगर्ने निर्णय गरेको थियो ।
Leave a Reply