धनुषा । धनुषामा अज्ञात समूहले चलाएको गोली लागेर एकजना घाइते भएका छन् ।

जिल्लाको मुखियापट्टी मुसहरनिया गाउँपालिका(२ मा शनिबार साँझ अज्ञात समूहले गोली प्रहार गर्दा स्थानीय ४० वर्षीय धनुक दास गम्भीर घाइते भएका हुन् ।

घाइतेको प्रादेशिक अस्पताल जनकपुरधाममा उपचार भइरहेको जिल्ला प्रहरी कार्यालय धनुषाले जनाएको छ ।

गोली कसले र किन चलाएको हो भन्ने विषयमा प्रहरीले अनुसन्धान गरिरहेको छ ।