काठमाडौं। नेपाली क्रिकेट टीमका पूर्वकप्तान एवं नेपाल टी–२० लिग खेलिरहेको काठमाडौं नाइट्सका कप्तान ज्ञानेन्द्र मल्लले आफ्नो टिमका एक खेलाडीलाई फिक्सिङको प्रस्ताव आएको बताएका छन् ।

मंगलबार बिराटनगर सुपर किङ्ससँगको खेलपछि कुरा गर्दै मल्लले आफ्नै टीमका एक खेलाडीलाई फिक्सरले अप्रोच गरेको बताएका हुन् ।

उनले भने, ‘अरुको टिमको कुरा थाहा भएन हाम्रो टिमको एउटा प्लेयरलाई अप्रोच गरेको थियो । एज पर रुल हामीले त्यो एसीयू (एन्टी करप्सन युनिट) मा एड्रेस गरेका छौं ।

अप्रोच प्रस्ताव र फिक्सिङ फरक कुरा हो । अप्रोच गर्‍यो भन्दैमा (फिक्सिङ) गर्छ भन्ने नै हुँदैन । तैपनि हामीले रिपोर्ट गरेका छौं, यसलाई एसीयूले टेक केयर गरिसकेको छ ।’

कुन खेलाडीलाई कसले अप्रोच गरेको भन्नेबारे मल्लले खुलाउन चाहेनन् । यो कुराले खेलाडीलाई असर पर्ने भन्दै उनले नाम खुलाएनन् ।