काठमाडौं । प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीबीच भेटवार्ता भएको छ ।

शनिबार बिहान एमाले अध्यक्ष ओली प्रधानमन्त्री प्रचण्डलाई भेट्न बालुवाटार पुगेका हुन् । उनीहरुबीच अहिले सरकार विस्तार र सभामुख निर्वाचनको विषयमा छलफल जारी रहेको बताइएको छ ।

दुई नेताबीच प्रदेश सरकारलाई पूर्णता दिने विषयमा पनि छलफल भइरहेको छ ।

प्रमुख सत्ता साझेदार दलहरुबीच भागबन्डामा सहमति जुट्न नसक्दा मन्त्रिमण्डललाई पूर्णता दिन प्रधानमन्त्री प्रचण्डलाई सकस परिरहेको छ ।