सल्यान । भरुवा बन्दुक पड्किँदा सल्यानमा एक जनाको मृत्यु भएको छ ।
बनगाड कुपिण्डे-९, स्वाराका अन्दाजी ४० वर्षीय चित्रबहादुर रावतको भरुवा बन्दुकको गोली लागेर मृत्यु भएको हो ।
जंगलमा सिकार खेल्न गएका बेला सोही ठाउँका आइते रावतले बोकेको भरुवा बन्दुक एक्कासी पड्किएर पेट र घाँटीमा चोट लागेर गम्भीर घाइते भएका चित्रबहादुरको उपचारका लागि सुर्खेत लैजाँदै गर्दा बाटोमै मृत्यु भएको जिल्ला प्रहरी कार्यालय सल्यानले जनाएको छ ।
शव पोष्टमार्टमका लागि जिल्ला अस्पताल सल्यान पठाइएको प्रहरीले जनाएको छ ।
घटनामा संलग्न आइते रावत फरार भएको र उनको खोजी भइरहेको जिल्ला प्रहरी कार्यालय सल्यानले जनाएको छ ।
Leave a Reply