काठमाडौं । आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजको आफ्नो अन्तिम खेलमा नेपालका लागि कुशल भुर्तेलले अर्धशतक बनाएका छन् ।

त्रिवि क्रिकेट मैदानमा युएईले दिएको ३११ रनको लक्ष्य पछ्याएको नेपालका लागि कुशलले १६ औं ओभरमा अर्धशतक पूरा गरेका हुन् ।

युएईले दिएको ३११ रनको लक्ष्य पछ्याउँदै ब्याटिङ गरेको नेपालका लागि कुशलले ३२ बलमा अर्धशतक पूरा गरे । कुशलले ३२ बल खेल्दै ३ चौका र ४ छक्का प्रहार गरे ।

ओपनर भुर्तेल अर्धशतक पूरा गरेर आउट भए। योसँगै नेपालले एक सय रन पूरा नगर्दै चौथो विकेट गुमाएको छ।

१७औं ओभरको तेस्रो बलमा कुशल क्याचआउट भएका हुन्। ३५ बलमा ३ चौका र ४ छक्का प्रहार गर्दै नेपालको इनिङ उकासेका थिए। खराब सुरुवात गरेको नेपाल १६.३ ओभरमा ४ विकेट गुमाएर ९८ रनको स्थितिमा छ।