काठमाडौं । काठमाडौंको प्रदर्शनमार्थस्थित नेपाल ल क्याम्पसको स्ववियु सभापतिमा अखिल क्रान्तिकारीका विष्णु ढुंगेल विजयी भएका छन् ।

सत्ता पक्षीय दलनिकट विद्यार्थी संगठनको गठबन्धनका साझा उम्मेदवार ढुंगेल एमालेनिकट अनेरास्ववियुका कैलाश तामाङलाई पराजित गर्दै स्ववियु सभापति निर्वाचित भएका हुन्।

ढुंगेलले ५९१ मत प्राप्त गर्दा तामाङलाई ५३९ मत खसेको छ । यस्तै सचिवमा नेविसंघका मनोज सिंह ६०१ र कोषाध्यक्षमा अनेरास्ववियुका सन्ज्योति नेम्वाङ ४२३ विजयी भएका छन्।

७ सदस्यमध्ये ५ सदस्य अनेरास्ववियुले जितेको छ। अनेरास्ववियुका समिर रिजाल, प्रियंका साउँद, प्रज्ञा ज्ञवाली, शिरिष पौडेल र आशुतोष कुमार गुप्ता सदस्यमा विजयी भएका छन् ।

यस्तै नेविसंघबाट अमृत ढकाल र सपना गौतम सदस्यमा विजयी भएका छन् । अखिल (क्रान्तिकारी) ले ल क्याम्पसको स्ववियुमा ३३ वर्षपछि जित हात पारेको छ ।