काठमाडौं । नेपाली बजारमा सुनको मूल्य लगातार चार दिनदेखि घटिरहेको छ ।

गत मंगलबार प्रतितोला २०० रुपैयाँले घटेर १ लाख ११ हजार ८०० रुपैयाँ कायम भएको मूल्य त्यसयता पनि लगातार घटिरहेको छ ।

नेपाल सुनचाँदी व्यवसायी महासंघका अनुसार शुक्रबार छापावाल सुन प्रतितोला ७०० रुपैयाँले घटेर १ लाख ९ हजार ८०० रुपैयाँ कायम भएको छ ।

यसैगरी, तेजावी सुनको मूल्य तोलाको १ लाख ९ हजार ३०० रुपैयाँमा कारोबार भईरहेको छ ।

यता चाँदीको मूल्य पनि तोलामा २५ रुपैयाँले घटेर प्रतितोला १३ सय ३५ रुपैयाँमा आइपुगेको छ। बिहीबार चाँदीको मूल्य तोलामा २५ रुपैयाँले घट्दा प्रतितोला १३ सय ६० रुपैयाँ भएको थियो।