एजेन्सी । भारी वर्षा र बाढी पहिरोले उत्तर र पश्चिम भारत प्रभावित भएको छ ।

हिमाचल प्रदेशसहित पहाडी राज्यमा भइरहेको मुसलधारे वर्षाले ठूलो क्षति पुर्‍याएको अधिकारीहरूले जनाएका छन् ।

पछिल्लो २४ घण्टामा बाढी पहिरोबाट ३४ जनाको मृत्यु भएको छ।

सबैभन्दा धेरै हिमाचल प्रदेशमा ११ जना, उत्तर प्रदेशमा ८ जना, उत्तराखण्डमा ६, दिल्लीमा ३ तथा जम्मु–कश्मीर, हरियाणा र पञ्जाबमा दुई–दुई जनाको मृत्यु भएको अधिकारीहरूले जनाएका छन्।

भारतमा झण्डै ५० वर्षयताकै ठूलो वर्षा भएको छ।