काठमाडौं । नेकपा एमालेका प्रमुख सचेतक पदम गिरीले प्रधानमन्त्रीले गल्ती स्वीकार गरेकाले संसद्‍मा दिएको अभिव्यक्तिलाई पार्टीले सकारात्मक रूपमा लिएको टिप्पणी गरेका छन् ।

सोमबार संसद् भवन परिसरमा सञ्चारकर्मीहरूसँग कुरा गर्दै प्रमुख सचेतक गिरीले सो टिप्पणी गरेका हुन् ।

उनले प्रधानमन्त्रीले सारमा आफूले त्रुटि गरेको बताइसकेपछि भविष्यमा त्यस्तो कमजोरी नदोहोर्‍याउने प्रतिबद्धता व्यक्त गरेकाले एमालेले प्रधानमन्त्रीको संसद्को अभिव्यक्तिलाई स्वीकार गरेर अघि बढ्ने बताए ।

प्रधानमन्त्रीले गहिराइमा गएर जवाफ दिन भने नसकेको उनको भनाई छ ।