काठमाडौं । नेकपा (एमाले) ले पशुचौपायमा लागेको लम्पिस्किन रोगले विकराल रूप लिँदा पनि सरकारले गम्भीरताका साथ नलिएको आरोप लगाएको छ ।
आजको प्रतिनिधिसभा बैठकमा एमालेका प्रमुख सचेतक पदम गिरीले चार महिनाको अवधिमा ३७ अर्ब क्षति भएको उल्लेख गर्दै न्यूनिकरण गर्न सरकारको ध्यानाकर्षण गराएका हुन् ।
उनले पैसा नभएको किसानलाई राहत दिन नसक्ने अवस्था सिर्जना भएको भए पनि सांसदलाई दिने भनिएको निर्वाचन क्षेत्र पूर्वाधार कार्यक्रमबाट रकमान्तरण गर्न सुझाव दिए ।
उनले भने, ‘लम्की स्कीनको विकराज स्थिती भएको छ । ३७ अर्ब बराबरको क्षति हुँदा समेत सरकारले उदासिनता देखिएको छ । यो न्यूनीकरणमा सरकारले काम गरेको भए यो स्थिति आउने थिएन ।’
साथै निकट भविष्यमा २५ लाख पशुचौपाया संक्रमित हुने र एक लाख मर्ने अवस्था आउने विज्ञहरुको भनाइ रहेको भन्दै सरकारले खोप, औषधि र राहतको तत्काल व्यवस्था गराउन माग गरे ।
Leave a Reply