काठमाडौं । साताको अन्तिम कारोबार दिन सुनको भाउ वृद्धि भएको छ ।

शुक्रबार नेपाली बजारमा छापावाला सुनको मूल्य प्रतितोला ८०० रुपैयाँले बढेको हो ।

बिहीबार १ लाख १९ हजार रुपैयाँमा कारोबार भएको सुन आज बढेर १ लाख १९ हजार ८०० रुपैयाँ कायम भएको छ ।

नेपाल सुनचाँदी व्यवसायी महासङ्घका अनुसार आजका लागि तेजावी सुनको मूल्य भने १ लाख १९ हजार २५० रुपैयाँ तोकिएको छ ।

यस्तै, आज चाँदीको मूल्यमा पनि बढोत्तरी आएको छ । आज चाँदी प्रतितोला ५ रुपैयाँले बढेर १ हजार ४८५ पुगेको छ ।

बिहीबार भने १ हजार ४८० रुपैयाँमा खरिदबिक्री भएको थियो ।