काठमाडौं । भौतिक योजना तथा यातायातमन्त्री प्रकाश ज्वालाले सवारी चालक अनुमतिपत्र छपाइ नरोकिने बताएका छन्।

ड्राइभिङ स्कुल सङ्घको पाचौं महाधिवेशनलाई सम्बोधन गर्दै यातायातमन्त्री ज्वालाले यस्तो बताएका हुन् ।

यातायातमन्त्री ज्वालाले भने, ‘आज मात्रै ६ लाख कार्ड ल्याइएको छ भने अन्य ६ लाख कार्ड ल्याउने तयारीमा छौं । लाइसेन्स छपाइ र वितरण नरोकिने गरी काम अघि बढाउँछौँ ।’

उनले माघ १ गतेदेखि लाइसेन्स छपाइ सुरु हुने बताए। माघ १ गतेदेखि १३ लाख कार्ड छपाइमा जाने र त्यसपछि समस्या हट्दै जाने उनले बताए।