काठमाडौं । भौतिक पूर्वाधार विकासमन्त्री प्रकाश ज्वालाले उपत्यकाका सडकमा खाल्डा नभएको दाबी गरेका छन् ।

ललितपुर महानगरपालिका १०५औं स्थापना दिवसको अवसरमा बोल्दै भौतिक पूर्वाधारमन्त्री ज्वालाले यस्तो दाबी गरेका हुन् ।

पूर्वाधारमन्त्री ज्वालाले संविधानले तोकेको काम सरकारहरुले गर्नुपर्ने बताए। पूर्वाधारमन्त्री ज्वालाले संघ सरकार, प्रदेश सरकार र स्थानीय सरकारले आ-आफ्नो काम गर्नुपर्ने बताए ।

पूर्वाधारमन्त्री ज्वालाले भने,‘अहिले उपत्यका खाल्डाखुल्डीमुक्त रहेको छ । भौतिक मन्त्रालयअन्तर्गत रहेको सडकमा खाल्डो छैन, कहिले खानेपानी, कहिले विद्युतले खाल्डो बनाउने समस्या रहेको छ।’

अन्तर सरकारबीच समन्वय नभएको विषयलाई कोट्याउँदै उनले सरकारले जिम्मेवारी अनुसार काम गर्नपर्ने बताए ।