काठमाडौं । त्रिकोणात्मक टी-२० आई सिरिजअन्तर्गत आफ्नो तेस्रो खेलमा नेपालका लागि कुशल मल्लले अर्धसतक बनाएका छन्।

नेपाली ब्याट्सम्यानमाथि नामिवियाका बलरहरु हावी भइरहँदा क्रिजमा आएका कुशलले विष्फोटक ब्याटिङ गर्दै अर्धशतक बनाएका हुन् ।

छैटौँ नम्बरमा क्रिज समाल्न आएका कुशल मल्लले ३० बलमा चार छक्का र एक चौकाको मद्दतले अर्धशतक बनाए।

१९ वर्षीय कुशल मल्लले टी-२० अन्तर्राष्ट्रिय क्रिकेटमा बनाएको यो चौथो अर्धशतक हो ।

उनले टी–२० अन्तर्राष्ट्रियमा एउटा शतक पनि बनाएका छन् । नेपालले १६.१ ओभरमा चार विकेट गुमाएर एक सय ४८ रन बनाएको छ ।