काठमाडौं। त्रिकोणात्मक टी–२० अन्तर्राष्ट्रिय क्रिकेट शृंखलाको जारी खेलमा नेपालले दिएको एक सय ८१ रनको लक्ष्य पछ्याएको नामिबियाले आफ्नो तेस्रो विकेट गुमाएको छ ।

नामिबियाको तेस्रो विकेट सोमपाल कामीले लिएका हुन् । उनले नामिबियाका जिन पियर कोट्जीलाई आउट गरे । सोमपालले कोट्जीलाई विकेटकिपर आसिफ शेखद्वारा क्याच गराएका हुन् ।

सोमपालले लिएको यो दोस्रो विकेट हो । पेभेलियन फर्किनुअघि कोट्जीले २२ बलमा चार चौकाको मद्दतले २५ रन बनाए ।

७.२ ओभरमा कोट्जी आउट हुँदा नामिबियाले ५० रन बनाएको छ ।