बुटवल । लुम्बिनी प्रदेशका मुख्यमन्त्री डिल्लीबहादुर चौधरीले प्रदेशसभा संसदीय दलको आकस्मिक बैठक बोलाएका छन्।
मुख्यमन्त्री चौधरीले प्रदेशसभा बैठक दिउँसो ४ बजे बस्नु अगावै नेपाली कांग्रेस लुम्बिनी प्रदेशसभा संसदीय दलको बैठक बोलाएका हुन् ।
बिहीबार बस्ने प्रदेशसभाको चौथो अधिवेशनको पहिलो बैठकमा मुख्यमन्त्री चौधरीले विश्वासको मत लिने कार्यसूची छ ।
मुख्यमन्त्री चौधरीले बहुमत जुटाउने प्रयास गरेपनि असफल भएपछि राजीनामा दिने मनस्थितिमा पुगेको स्रोतले बतायो ।
बहुमत पुगे विश्वासको मत लिने, नपुगे पदबाट राजनीनामा दिने बारेमा छलफल गरेर निर्णय लिने लुम्बिनी कांग्रेसले जनाएको छ ।
सत्ता साझेदार दल नेकपा माओवादी केन्द्रले फागुन २३ मा समर्थन फिर्ता लिएपछि सरकार अल्पमतमा परेको थियो ।
गत वर्ष वैशाख १४ गते आठ राजनीतिक दल र एक स्वतन्त्र गरी ५३ जना सांसदको समर्थनमा मुख्यमन्त्रीमा चौधरी नियुक्त भएका थिए ।
Leave a Reply