साफ यू–२० च्याम्पियनसिप : सेमिफाइनलमा नेपालले भुटानसँग खेल्ने

अनलाइन नेपाल

शुक्रवार , भाद्र ७, २०८१

काठमाडौं । साफ यू–२० च्याम्पियनसिपको अन्तिम लिग चरणको खेलमा भारतले माल्दिभ्सलाई १–० ले पराजित गरेको छ ।

सातदोबाटोको एन्फा कम्प्लेक्समा शुक्रबार भएको समूह बी को खेलमा भारतले लगातार दोस्रो जित निकालेको हो ।

यो जितपछि भारत समूह विजेता रह्यो । उसको ६ अंक भएको छ । भारतका लागि दोस्रो हाफको इन्ज्युरी समयको चौथो मिनेटमा मंग्लेनथान किपगेनले निर्णायक गोल गरे ।

भुटान ३ अंकसहित दोस्रो स्थानमा रह्यो । लगातार दोस्रो हारपछि माल्दिभ्स भने शून्य अंकमा रहेर प्रतियोगिताबाट बाहिरिएको छ ।

यसअघि नेपालले समुहको दुबै खेल जितेर विजेताको रुपमा अन्तिम ४ मा स्थान बनाएको थियो । यससँगै प्रतियोगताको सेमिफाइनल समीकरण पनि पूरा भएको छ ।

अब अन्तिम चारमा नेपालले भुटान तथा भारतले बंगलादेशको सामना गर्नेछ ।

प्रतिक्रिया दिनुहोस्

नयाँ अपडेट

थप नयाँ अपडेट

बंगलादेशलाई हराउँदै भारतले जित्यो साफ महिला च्याम्पियनसिपको उपाधि