Jun 21 2026 | २०८३, आषाढ ७ गते
21 Jun 2026 | आइतवार, आषाढ ७ गते २०८३
आइतवार, आषाढ ७ गते २०८३
Jun 21 2026 | २०८३, आषाढ ७ गते
21 Jun 2026 | आइतवार, आषाढ ७ गते २०८३
शनिवार , भाद्र ८, २०८१
कैलाली । धनगढीमा ट्राफिक प्रहरीको काम सवारी आवतजावतलाई सहजीकरण गर्नु भन्दा पनि चेकिंङ र दण्ड दिने काम बढी भएको आरोप लागेको छ ।
पछिल्लो समय धनगढीमा ट्राफिक प्रहरीले नागरिकलाई चेकिंङको नाममा अनावश्यक दुःख दिन थालेपछि सो आरोप लागेको हो ।
जिल्ला ट्राफिक प्रहरी कार्यालय कैलालीमाथि सोही आरोप लागिरहेका बेला शुक्रबार राति पत्रकारलाई हतकडी नै लगाएर थुनामा पठायो । सो घटनापछि ट्राफिक प्रहरीमाथि लागेको आरोप थप पुष्टि भएको छ ।
शुक्रबार राति करिब ९ बजेको समयमा धनगढीका पत्रकार रमेश अयडीमाथि ट्राफिक प्रहरीले ज्यादती गरेको थियो । ब्लुबुक, लाइसेन्स र मापसे गरेको जाँच गर्न बसेका ट्राफिक प्रहरी हवल्दार विजय बमले अयडीसहित अर्का एकजना युवकलाई दुर्व्यवहार गर्दै हतकडी लगाएर जिल्ला प्रहरी कार्यालयको हिरासतमा पठाएका थिए ।
तर केही समयपछि पत्रकारको टोली गएर अयडीलाई छुटाएको थियो । केही महिना अगाडि फूलबारी क्षेत्रमा कार्यरत ट्राफिक प्रहरी हवल्दार बमलाई ट्राफिक नियमन राम्रोसँग गर्न पत्रकार अयडीले अनुरोध गरेका थिए ।
सोही विषयलाई इगोको रूपमा लिएका ट्राफिक प्रहरी बमले शुक्रवार साँझ कागजपत्र नभएको निहुँमा हतकडी लगाएर हिरासतमा पठाएको आरोप छ । यद्धपि अयडीसँग हवल्दार बमको कुनै रिसिइबी नभएको दाबी गरिएको छ ।
पीडित पत्रकार अयडीले ट्राफिक प्रहरी हवल्दार बमले आफूलाई लाइसेन्स र ब्लुबुक नबोकेको भन्दै हतकडी लगाएर प्रहरी भ्यानमा राखेर जिल्ला प्रहरीको हिरासतमा पठाएको बताए ।
यता ट्राफिक प्रहरी कार्यालय कैलालीले पनि ट्राफिक प्रहरीबाट गल्ती भएको स्वीकार गरेको छ । पछिल्लो समय धनगढीमा ट्राफिक प्रहरीले नागरिकलाई बिना कारण दुःख दिने गरेको आरोप छ ।
© 2026 All right reserved to onlinenepal.com
Design & Developed By
