Jun 18 2026 | २०८३, आषाढ ४ गते
18 Jun 2026 | बिहिवार, आषाढ ४ गते २०८३
बिहिवार, आषाढ ४ गते २०८३
Jun 18 2026 | २०८३, आषाढ ४ गते
18 Jun 2026 | बिहिवार, आषाढ ४ गते २०८३
शुक्रवार , भाद्र २१, २०८१
बागलुङ । बागलुङमा खोलाले बगाउँदा दुई युवाको मृत्यु भएको छ ।
बिहीवार रातिदेखि परेको भीषण वर्षासँगै बागलुङ नगरपालिका-४ कुँडुले हुँदै बग्ने बान्द्रेखोलामा आएको बाढीले मोटरसाइकलसहित तीन युवालाई बगाएको हो । ती मध्ये दुई जनाको मृत्यु भएको छ भने एक जना बेपत्ता भएका छन् ।
बिहीवार राति साढे १२ बजे बानपा–४ कुँडुलेदेखि मालिकातर्फ जाँदै गरेको ध२प ८०१० नम्बरको मोटरसाइकल र घ१प ९९९६ नम्बरको स्कुटरमा सवार बान्द्रे अढाईथर बस्ने २३ वर्षीय अर्जुन सापकोटा र २२ वर्षीय अभिषेक रेग्मीको मृत्यु भएको जिल्ला प्रहरी कार्यालय बागलुङले जनाएको छ ।
सोही स्थानका २० वर्षीय कमल सापकोटा बेपत्ता रहेको छन् । सापकोटा र रेग्मीको शव घटनास्थलबाट झण्डै १ सय मिटर तल फेला परेको थियो । मृत्तक दुवैको शव पोष्टमार्टमको लागि धौलागिरी अस्पतालमा ल्याइएको छ।
बेपत्ता सापकोटाको खोजी कार्यमा प्रहरी निरीक्षक प्रताप पौडेल नेतृत्वको प्रहरी टोली घटनास्थलमा परिचालित भएको छ ।
© 2026 All right reserved to onlinenepal.com
Design & Developed By
