Jul 01 2026 | २०८३, आषाढ १७ गते
01 Jul 2026 | बुधवार, आषाढ १७ गते २०८३
बुधवार, आषाढ १७ गते २०८३
Jul 01 2026 | २०८३, आषाढ १७ गते
01 Jul 2026 | बुधवार, आषाढ १७ गते २०८३
सोमवार , कार्तिक १२, २०८१
काठमाडौं । गृहमन्त्री रमेश लेखकले भ्रष्टाचार, ठगी र अपराधजन्य घटनामा संलग्न सबैमाथि अनुसन्धान हुने बताएका छन् ।
प्रतिनिधिसभाको राज्य व्यवस्था तथा सुशासन समितिको बैठकमा बोल्दै गृहमन्त्री लेखकले यस्तो बताएका हुन् ।
बैठकमा सांसदहरुले पूर्वगृहमन्त्री रवि लामिछाने पक्राउलाई लिएर प्रश्न गरेका थिए । लामिछानेको पक्राउलाई लक्षित गर्दै गृहमन्त्री लेखकले कुनै पनि अपराधको अनुसन्धानमा कैलाई पनि काखापाखा नगर्ने बताए।
गृहमन्त्री लेखकले भने,‘अपराधजन्य कार्यहरू भ्रष्टाचार होस् या ठगी गर्ने सबै मानिसमाथि अनुसन्धान हुन्छ । हुनुपर्छ । कसैलाई काखापाखा हुँदैन । सत्तापक्ष र प्रतिपक्ष भनेर हेरिँदैन । कुनैपनि आपराधिक कार्यको अनुसन्धान, मानिसको मुख होइन तथ्य र प्रमाण हेरेर कारबाही गरिन्छ ।’
गृहमन्त्री लेखकले कुनैपनि आपराधिक कार्यको अनुसन्धान मानिसको मुख हेरेर नभई तथ्य र प्रमाणका आधारमा हुने स्पष्ट पारे ।
उनले प्रमाण जताजता जान्छ र त्यतैत्यतै अनुसन्धान हुने र भइरहेको पनि बताए । उनले सरकार कानुनभन्दा बाहिर नजाने पनि दाबी गरे ।
सरकार गर्ने अनुसन्धान निष्पक्ष र स्वतन्त्र हुने भन्दै न्यायालयको अनुमति लिनुपर्ने बेलामा न्यायालयको समेत अनुमति लिएर सरकारले गर्ने गरेको मन्त्री लेखकको भनाइ छ ।
© 2026 All right reserved to onlinenepal.com
Design & Developed By
