सौराहाको होटल जंगल क्राउन ‘४ तारे’ बन्दै, सोमबार ४० कोठे भवनको शिलान्यास

अनलाइन नेपाल

सोमवार , मंसिर ३, २०८१

सौराहाको होटल जंगल क्राउन ‘४ तारे’ बन्दै, सोमबार ४० कोठे भवनको शिलान्यास

चितवन । सौराहाको बाघमारास्थित होटल जंगल क्राउन प्रा.लिले ‘४ तारे’ होटलका लागि भवन निर्माण गर्न थालेको छ ।

आज (सोमबार) प्रा.लिका अध्यक्ष तिलचन्द्र भट्टराई भट्टराई र पूर्वपर्यटन मन्त्री प्रेम आलेले नयाँ बन्ने तीन तल्लाको ४० कोठे भवनको शिलान्यास गरेका हुन् ।

अध्यक्ष भट्टराईका अनुसार सञ्चालनमा आएको १० वर्षपछि होटललाई स्तरोन्नति गरेर चार तारे बनाउन लागिएको हो । अब होटल जंगल क्राउन प्रा.लि ‘४ तारे’ होटल बन्नेछ ।

यो होटलमा अहिले ४३ कोठा छन् । पाहुनालाई स्वीमिङ पुल, स्पा र हेल्थ क्लबको समेत सुविधा दिने गरी सरकारले तोकेको मापदण्ड पूरा गरेर चार तारेमा स्तरवृद्धि गर्न लागेको अध्यक्ष भट्टराईले जानकारी दिए ।

भवनमा फरक–फरक स्वाद र परिकारका रेष्टुरेन्ट, ५ सय बढी क्षमताको मिटिङ हल, ४ वटा स्वीट रुमसहित ३६ वटा डिलक्स कोठा, २ वटा स्वीमिङ पुल, स्पा, हेल्थ क्लबलगायत सम्पूर्ण सुविधासहितको होटल बनाउन सुरु गरिएको होटल जंगल क्राउनका सञ्चालक तथा कार्यकारी प्रमुख सन्तोष गिरीले बताए ।

निर्माण सुरु भएको २ वर्षभित्र नयाँ कोठाहरु सञ्चालन ल्याउने लक्ष्य लिइएको छ । दुई विघा बढी क्षेत्रफलमा स्तरबृद्धि हुन लागेको होटल जंगल क्राउनमा झन्डै एक अर्ब रुपैयाँ लगानी हुने अनुमान गरिएको छ ।

प्रतिक्रिया दिनुहोस्

नयाँ अपडेट

थप नयाँ अपडेट

सौराहाको होटल जंगल क्राउन ‘४ तारे’ बन्दै, सोमबार ४० कोठे भवनको शिलान्यास