दृष्टिविहीन टी–२० विश्वकपमा नेपालको लगातार दोस्रो जीत

अनलाइन नेपाल

मंगलवार , मंसिर ११, २०८१

काठमाडौं । दृष्टिविहीन टी–२० विश्वकपमा नेपालले लगातार दोस्रो जित हासिल गरेको छ ‌।

पाकिस्तानमा जारी ब्लाइण्ड टी-२० विश्वकपमा नेपालले दक्षिण अफ्रिकालाई ११ रनले हराएको हो ।

नेपालले दिएको १९९ रनको लक्ष्य पछ्याएको दक्षिण अफ्रिकाले २० ओभरमा २ विकेट गुमाएर १८७ रन मात्र बनायो ।

उसका लागि बुले भिडलाले अविजित १०० रन बनाए । त्यसअघि पहिले ब्याटिङ गरेको नेपालले २० ओभरमा ४ विकेट गुमाएर १९८ रन बनाएको थियो ।

नेपालका लागि नरेशले सर्वाधिक ८० रन बनाएका थिए । पहिलो र दोस्रो खेलमा पराजित भएको नेपालले सोमबार अफगानिस्तानलाई हराएको थियो ।

दक्षिण अफ्रिकाकालाई हराएसँगै नेपालले सेमिफाइनलमा स्थान बनाउने सम्भावना बलियो बनेको छ ।

प्रतिक्रिया दिनुहोस्

नयाँ अपडेट

थप नयाँ अपडेट

बंगलादेशलाई हराउँदै भारतले जित्यो साफ महिला च्याम्पियनसिपको उपाधि