Jun 30 2026 | २०८३, आषाढ १६ गते
30 Jun 2026 | मंगलवार, आषाढ १६ गते २०८३
मंगलवार, आषाढ १६ गते २०८३
Jun 30 2026 | २०८३, आषाढ १६ गते
30 Jun 2026 | मंगलवार, आषाढ १६ गते २०८३
आइतवार , पौष २८, २०८१
दाङ। नेपाली कांग्रेसका नेता डा.शशाङ्क कोइरालाले २०८४ को चुनावपछि मात्र कांग्रेसको महाधिवेशन हुने बताएका छन् ।
दाङको घोराहीमा आज आयोजित पार्टीका जिल्ला, क्षेत्र, नगर, पालिका, वडाका अगुवा कार्यकर्ताहरुसंंगको भेटमा बोल्दै नेता कोइरालाले यस्तो बताएका हुन् ।
उनले पार्टीको महाधिवेशन सभापति शेरबहादुर देउवाले आफू चुनावी सरकारको नेतृत्व गर्दै प्रधानमन्त्री बनेपछि मात्रै हुने भन्दै २०८४ पछि मात्रै कांग्रेसको महाधिवेशन गर्न उपयुक्त हुने बताए ।
समयमै पार्टीको महाधिवेशन गर्नसके अत्यन्तै राम्रो हुने तर महाधिवेशन समयमा नभएर लम्बिएको खण्डमा आम चुनावको मुखमा महाधिवेशन गर्दा चुनावमा तिक्तता पैदा भई पार्टीले चुनावमा क्षति वेहोर्ने बताए ।
त्यस्तै उनले एमाले अध्यक्ष केपी शर्मा ओली नेतृत्वको वर्तमान सरकारबाट मुलुकमा ठूला-ठूला विकास निर्माणको काम हुन नसकेको तर्क गरे।
उनले कांंग्रेस सरकारमा सामेल भएपनि सरकारको नेतृत्वकर्ता ओलीले मुलुकमा सुशासन पनि दिन नसकेको आरोप लगाए ।
उनले कांग्रेस र एमाले मिलेर सरकार बनाउँदा जनतामा उत्साह भएपनि ६ महिनाको बीचमा जनतामा निराशा छाउदै गएको बताए ।
अध्यादेशबाट सरकार सञ्चालन गर्नु विडम्वनापूर्ण वातावरण भएको भन्दै उनले कांग्रेसका जिम्मेवार पदाधिकारीले अहिले संसदलाई छलेर अध्यादेशबाट सरकार सञ्चालन गर्ने कुरामा साक्षी बस्दै हिँडेको आरोप लगाए ।
© 2026 All right reserved to onlinenepal.com
Design & Developed By
