Jun 18 2026 | २०८३, आषाढ ४ गते
18 Jun 2026 | बिहिवार, आषाढ ४ गते २०८३
बिहिवार, आषाढ ४ गते २०८३
Jun 18 2026 | २०८३, आषाढ ४ गते
18 Jun 2026 | बिहिवार, आषाढ ४ गते २०८३
आइतवार , माघ ६, २०८१
धनगढी । कैलाली प्रहरीले १२ ग्राम ४६० मिलिग्राम लागुऔषधसहित तीन जनालाई पक्राउ गरेको छ। जिल्ला प्रहरी कार्यालय कैलालीको टोलीले धनगढी उपमहानगरपालिका क्षेत्रमा छुट्टाछुट्टै स्थानमा चेकजाँच गर्दै उनीहरूलाई नियन्त्रणमा लिएको हो ।
प्रहरीका अनुसार, धनगढी उपमहानगरपालिका वडा नम्बर २ भन्सार ब्यारेल नजिक शंका लागेर चेकजाँच गर्दा भारतबाट नेपालतर्फ आउँदै गरेको सुपप्र ०२००३ प ६११५ नम्बरको मोटरसाइकलमा सवार दुई युवकको साथबाट १२ ग्राम ३६० मिलिग्राम खैरो हेरोइन बरामद गरिएको थियो ।
पक्राउ परेका युवकहरूमा कैलालीको उत्तरवेहडी बस्ने २४ वर्षीय अनिल लामा तामाङ र झलारी बस्ने १८ वर्षीय नविन कुमार ऐर रहेका छन्।
त्यसैगरी, धनगढी उपमहानगरपालिका वडा नम्बर १ अस्पताल रोडबाट दिउँसो १ बजे २० वर्षीय निरञ्जन पन्तलाई पनि शंका लागेर चेकजाँच गर्दा उनको साथबाट १०० मिलिग्राम खैरो हेरोइन बरामद गरिएको जिल्ला प्रहरी कार्यालय कैलालीले जनाएको छ।
पन्त हाल धनगढी उपमहानगरपालिका वडा नम्बर १ मा डेरा गरी बस्दै आएका थिए भने उनको स्थायी घर डडेल्धुराको अजयमेरु गाउँपालिका वडा नम्बर ५ रहेको छ।
प्रहरीले तीनै जनालाई पक्राउ गरी थप अनुसन्धान जारी रहेको जनाएको छ।
© 2026 All right reserved to onlinenepal.com
Design & Developed By
