काठमाडौं । प्रतिनिधिसभाका स्वतन्त्र सांसद अमरेशकुमार सिंहले मेयर बालेन शाहको विरोधमा नभएको बताएका छन् ।
मंगलबार संघीय संसद् भवन परिसरमा सञ्चारकर्मीसँग कुराकानी गर्ने क्रममा उनले आफू काठमाडौंका गरिब जनताको पक्षमा भएको बताउँदै मेयर बालेनको विरोधमा नभएको बताएका हुन् ।
सोमबार बसेको प्रतिनिधिसभा बैठकमा काठमाडौं महानगरपालिकाका मेयर शाहलाई हिटलरको संज्ञा दिएका थिए ।
सोही प्रसंगमा सञ्चारकर्मीले सोधेको प्रश्नको जवाफ दिँदै सांसद सिंहले भने, 'कानुन सबैका लागि बराबर हो । कानुनी राज्यको खोजीमा छु । त्यसकारण म जनताको पक्षमा उभिएको हुँ । बालेनको विरोधमा होइन ।’
गरिबलाई भएको बेथितिको विरुद्धमा बोल्दा आफूले सधैं साथ दिने उनको भनाई छ ।