काठमाडौं । सरकार र चिकित्सकबीच ९ बुँदे सहमति भएको छ ।
शुक्रबार साँझ स्वास्थ्य तथा जनसंख्या मन्त्रालयमा नेपाल चिकित्सक संघ र मन्त्रालयका अधिकारीहरूबीच सहमति भएको हो ।योसँगै संघले आन्दोलनका सम्पूर्ण कार्यक्रम स्थगित गरेको छ ।
स्वास्थ्य तथा जनसंख्यामन्त्री प्रदीप पौडेलको उपस्थितिमा सहमति भएसँगै संघले आव्हान गरेको सम्पूर्ण आन्दोलनका कार्यहरू फिर्ता लिने र नियमित कार्यहरू सुचारु गर्ने जानकारी दिएको छ ।
सहमतिपछि मन्त्री पौडेलले मन्त्रालयका तर्फबाट भएका सहमति कार्यान्वयनमा लैजाने प्रक्रिया थाल्ने जानकारी दिए ।