वीर अस्पतालको अनियमिततामा नियामक निकाय किन मौन ?

अनलाइन नेपाल

बुधवार , फाल्गुण १४, २०८१

वीर अस्पतालको अनियमिततामा नियामक निकाय किन मौन ?

काठमाडौं । देशकै पुरानो र ठूलो वीर अस्पतालमा केही कर्मचारी र मेडिकल माफियाको मिलेमतोमा चरम अनियमितता भइरहेको भन्दै अख्तियार दुरुपयोग अनुसन्धान आयोगदेखि राष्ट्रिय सतर्कता केन्द्र, स्वास्थ्य तथा जनसंख्या मन्त्रालय र प्रधानमन्त्री कार्यालयसम्म पटक–पटक उजुरी पर्दा समेत कारबाही नभएको भन्दै वीरकै कर्मचारीहरुले आवाज उठाउन थालेका छन् ।

वीर अस्पतालका केही कर्मचारीहरुले अस्पतालमा कार्यरत केही कर्मचारीहरुका कारण वीर अस्पताल भ्रष्टहरुको अखडा बन्न लागेको आरोप समेत लगाएका छन् ।

अस्पतालको मेडिकल स्टोरमा कार्यरत कर्मचारी नवराज धिताल र जनरल स्टोरमा कार्यरत बैकुण्ठ लुईटेलमाथि चिकित्सा विज्ञान राष्ट्रिय प्रतिष्ठान (न्यास)का उपकुलपति र अस्पतालका निर्देशकलाई समेत तर्साएर आर्थिक लाभ लिने गरेको आरोप लग्दै आएको छ ।

धितालमाथि केही समय अगाडि मेडिकल स्टोरमा आएको १० लाखको सर्जिकल ग्लोब्स गायब बनाएको आरोप लाग्ने गरेको छ ।

अस्पतालको जनरल स्टोरमा फर्निचर, सोफा, कुर्सी, सरसफाइका सामान, कागज, डटपेन, कार्पेट, पर्दा गुणस्तरहीन मगाएर दोब्बर तेब्बर बढी बिल बनाउन लगाई करोडौं भ्रष्टाचार गरेको आरोप लुईटेलमाथि लाग्दैआएको छ । उनी बिगत ६ बर्षदेखि स्टोर प्रमुख छन् ।

फागुन ४ गतेदेखि रिक्त वीर अस्पतालको निर्देशकमा आफूनिकटलाई ल्याउन शक्तिकेन्द्रमा पैसा बुझाउनुपर्छ भनी दर्जनौं व्यापारीसँग सहयोग समेत मागेको आरोप लागेपछि अस्पताल कर्मचारी र केही व्यापारीहरुले धिताल र लुईटेलमाथि कारबाहीको माग गरेका छन् ।

प्रतिक्रिया दिनुहोस्

नयाँ अपडेट

थप नयाँ अपडेट

वीर अस्पतालको अनियमिततामा नियामक निकाय किन मौन ?