काठमाडौं । त्रिभुवन अन्तर्राष्ट्रिय विमानस्थलबाट साढे तीन किलोभन्दा बढी सुनसहित चारजना पक्राउ परेका छन् ।
काठमाडौं उपत्यका प्रहरी कार्यालय रानीपोखरीका अनुसार गएराति सुनसहित चारजना उज्वेकिस्तानका नागरिक पक्राउ परेका हुन् ।
पक्राउ पर्नेमा ४९ वर्षीया फेजिभा साउदत, ४८ वर्षीय अख्मेदोभा उमेदा, ५४ वर्षीया मारिफालिभा लिलफुजा र ४१ वर्षका तुरसुनोभ सारदोर छन् । उनीहरुले मलद्वारमा सुन लुकाएर ल्याएका थिए ।
घटनाबारे थप अनुसन्धानका लागि प्रहरीले त्रिभुवन अन्तर्राष्ट्रिय विमानस्थल भन्सार कार्यालय सिनामंगल बुझाउने तयारी गरेको छ ।