Jun 27 2026 | २०८३, आषाढ १३ गते
27 Jun 2026 | शनिवार, आषाढ १३ गते २०८३
शनिवार, आषाढ १३ गते २०८३
Jun 27 2026 | २०८३, आषाढ १३ गते
27 Jun 2026 | शनिवार, आषाढ १३ गते २०८३
शुक्रवार , चैत्र १४, २०८१
काठमाडौं । तीनकुनेमा प्रहरी बसेको एक घरमा आगजनी भएको छ। राजावादीको प्रदर्शन र सभा बिथोलिएको केहीबेरमा घरमा आगजनी भएको हो । आन्दोलनकारीहरुले ढुंगा प्रहार गरेर छियाछिया बनाएको घरमा आगजनी भएको हो ।
सोही घर माथि रहेका प्रहरीले अश्रुग्याँस प्रहार गरेको थियो । एक प्रत्यक्षदर्शीका अनुसार घरको माथिबाट कागज झरेको जस्तो देखिन्थ्यो । अनि केही पड्किएको पनि सुनियो । एकछिनमै ह्वारह्वारती आगो बलेको देखियो ।
आगो बलेर धुवाँको मुस्लो निस्किएको धेरैबेरपछि मात्र आगो निभाउन दमकल पुगेको थियो । सो दमकलमाथि पनि प्रदर्शनकारीले ढुंगामुढा गरेपछि प्रहरीले हवाइ फायर गरेको छ ।
घरमा लागेको आगो निभाउन गएको दमकललाई पनि प्रदर्शनकारीले ढुंगा हानेपछि प्रहरीले सुरुमा अश्रुग्याँस प्रहार गरेको थियो । पछि हवाई फायर गरेको हो । त्यसपछि आगो निभाउन नसकी दमकल फर्किएको छ ।
काठमाडौं तिनकुनेमा राजवादीहरुले गणतन्त्र खारेज र राजसंस्था पुनर्स्थापनाको माग सहित आज सभा आयोजना गरेका थिए । तर प्रहरीसँगको धकेलाधकेलले गर्दा तनाव बढेको थियो ।
त्यसपछि प्रहरीले अश्रुग्याँस प्रहार गरेर भिडलाई तितरवितर पारेको थियो । लगत्तै एक घरमा तोडफोड र आगजनी भएपछि थप तनाव बढेको हो ।
राजावादीहरुले तीनकुनेमा गर्न लागेको सभा सुरु हुन नपाई बिथोलिएको छ । आन्दोलनका कमाण्डर कार्यक्रम स्थाल आएको भएपनि अहिले फेरि त्यहाँ नेताहरु देखिएका छैनन् ।
© 2026 All right reserved to onlinenepal.com
Design & Developed By
