वीर अस्पतालकी नर्सिङ प्रमुखविरुद्ध अख्तियारदेखि सतर्कतासम्म उजुरी

अनलाइन नेपाल

बिहिवार , बैशाख १८, २०८२

वीर अस्पतालकी नर्सिङ प्रमुखविरुद्ध अख्तियारदेखि सतर्कतासम्म उजुरी

काठमाडौं । मुलुककै सबैभन्दा पुरानो वीर अस्पतालकी नर्सिङ प्रमुख संगीता श्रेष्ठविरुद्द अख्तियार दुरुपयोग अनुसन्धान आयोगदेखि सतर्कता केन्द्रसम्म उजुरी परेको छ ।

श्रेष्ठविरुद्ध कारबाहीको माग गर्दै उनी मातहत कार्यरत कर्मचारीहरुले नै उजुरी दिएका हुन् । श्रेष्ठले आफूहरुलाई दुःख दिने गरेको भन्दै पीपडतहरुले कारबाही गरी सरुवा गर्न पनि माग गरेका छन् ।

पीडित कर्मचारीहरुले अख्तियार, प्रधानमन्त्री तथा मन्त्रिपरिषदको कार्यालय, राष्ट्रिय महिला आयोग, स्वास्थ्य तथा जनसंख्या मन्त्रालय तथा राष्ट्रिय सतर्कता केन्द्रमा उजुरी दिएको बताएका छन् ।

उनीहरुले विभिन्न आर्थिक र प्रशासनिक अनियमितता तथा ज्यादती एवं विभेदविरुद्ध श्रेष्ठमाथि आवश्यक छानबिन गरी हदैसम्म कारबाही गर्न माग गरेका छन् । साथै उनलाई तत्कालै वीर अस्पतालबाट सरुवा गर्न पनि अनुरोध गरेका छन् ।

सम्बन्धित निकायहरुमा हालिएको उजुरी पत्रमा अस्पतालमा विभिन्न आर्थिक, प्रशासनिक अनियमितता गरेको, कर्मचारी भर्नामा अनियमितता गरेको, जातीयताका आधारमा विभेद गरेको, निर्देशक र उपसचिवको निर्देशन अवज्ञा गर्ने गरेको, सरसफार्इ सम्बन्धी सामान आयातमा मिलेमतोमा अनियमितता गरेकोलगायतका भ्रष्टाचार गरेको आरोप लगाइएको छ ।

नर्सिङ प्रमुख श्रेष्ठले भने कानून विपरितका काम नगरिदिंदा आफूविरुद्ध उजुरी हालिएको दावी गरिन् । अनलाइन नेपालसँग कुरा गर्दै उनले भनिन्–‘मलाई राज्यल जुन काम गर्नका लागि अधिकार दिएको छ, मैलले त्यहि काम गर्ने हो । कुनै व्यक्ति विशेषले अह्राएको कानूनविपरितका काम गर्दा मनगणन्ते उजुरी हालिन्छ भने त्यसमा मेरो भन्नु केही छैन ।’

प्रतिक्रिया दिनुहोस्

नयाँ अपडेट

थप नयाँ अपडेट

वीर अस्पतालकी नर्सिङ प्रमुखविरुद्ध अख्तियारदेखि सतर्कतासम्म उजुरी