Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
आइतवार , बैशाख २८, २०८२
कैलाली । धनगढीस्थित चैतन्य पाठशालाले सुदूरपश्चिमका जेहेन्दार र विपन्न विद्यार्थीहरूका लागि ठूलो छात्रवृत्ति कार्यक्रमको घोषणा गरेको छ ।
शिक्षा र संस्कारको संयोजन, वेद र विज्ञानको समन्वय तथा प्रकृति र संस्कृतिको सम्मानमा आधारित शिक्षण संस्था चैतन्यले चैतन्य टप २५ छात्रवृत्ति योजना – २०८२ घोषणा गरेको हो ।
२०७२ सालदेखि शैक्षिक क्षेत्रको सुधार र विद्यार्थी नेतृत्व विकासमा क्रियाशील चैतन्य पाठशालाले अब २०८२ शैक्षिक सत्रदेखि कक्षा ११ विज्ञान सङ्कायमा ‘प्लस टु’ कार्यक्रम सुरु गर्दैछ।
सोही अवसरमा 'चैतन्य टप २५ छात्रवृत्ति योजना – २०८२' सार्वजनिक गरिएको हो, जसअन्तर्गत २५ जना प्रतिभाशाली विद्यार्थीहरूले कक्षा ११ र १२ का लागि निःशुल्क अध्ययन गर्न पाउनेछन्।
विद्यालयका अनुसार, छात्रवृत्तिको कुल मूल्य कम्तीमा ६० लाख रुपैयाँ बराबरको हुनेछ र यसलाई हरेक वर्ष निरन्तरता दिइनेछ । छात्रवृत्ति पाउन इच्छुक विद्यार्थीहरूले प्रतिस्पर्धात्मक प्रवेश परीक्षामा सहभागी हुनुपर्नेछ।
आगामी असारको अन्तिम साता एसईई नतिजा सार्वजनिक भएपछि आवेदन खुला गरिने चैतन्यका सिइओ गणेशप्रसाद जोशीले जानकारी दिए ।
छनोटमा परेका विद्यार्थीहरूलाई कलेजको वार्षिक शुल्कबाहेक अन्य सम्पूर्ण मासिक शुल्क र ल्याब शुल्क पूर्णरूपमा निःशुल्क गरिनेछ । यो योजनाबाट सुदूरपश्चिमका दूरदराज क्षेत्रका मेधावी तर आर्थिक अभावमा रहेका विद्यार्थीहरू लाभान्वित हुने अपेक्षा गरिएको छ।
विद्यालयले सुदूरपश्चिमका सम्पूर्ण विद्यालयमा पत्रमार्फत पनि जानकारी पठाउने तयारी गरेको छ । स्थापनाकालदेखि नै मानवसेवा, युवा नेतृत्व विकास र शैक्षिक गुणस्तर अभिवृद्धिमा क्रियाशील चैतन्य पाठशालाले सुरु गरेको यो छात्रवृत्ति योजना सुदूरपश्चिमका विद्यार्थीहरूका लागि ठूलो अवसरका रूपमा लिइएको छ ।
चैतन्य र नेपाल महर्षि वैदिक फाउण्डेसनबीच साझेदारी
संस्कार र मूल्यमा आधारित शिक्षामा निरन्तर योगदान दिँदै आएको चैतन्य पाठशालाले नेपाल महर्षि वैदिक फाउण्डेसनसँग सम्झौता गरेको छ ।
आइतबार पत्रकार सम्मेलनमार्फत दुई संस्थाबीच “सचेतनामा आधारित शिक्षा प्रणाली” लागू गर्न साझेदारी सम्झौतामा हस्ताक्षर गरिएको हो।
सहकार्यको मुख्य उद्देश्य शिक्षालाई मानसिक, आत्मिक र वैज्ञानिक दृष्टिकोणबाट जीवनोपयोगी बनाउने रहेको छ।
© 2026 All right reserved to onlinenepal.com
Design & Developed By
