Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
आइतवार , जेठ २६, २०८२
काठमाडौं । सामाजिक, मानसिक, भावनात्मक र शारीरिक रूपमा फरक पहिचान बनाएका नेपाली ट्रान्सजेन्डर व्यक्तिहरूलाई लिंग परिवर्तन गर्न अब विदेश जानु नपर्ने भएको छ ।
नेपालमा पहिलोपटक पारलैंगिक (ट्रान्सजेन्डर) व्यक्तिको लिंग परिवर्तन शल्यक्रिया (सेक्स चेन्ज अपरेसन) सफलतापूर्वक सम्पन्न भएपछि अब विदेश जानु नपर्ने भएको हो ।
त्रिभुवन विश्वविद्यालय शिक्षण अस्पतालले आइतबार पत्रकार सम्मेलन गर्दै नेपालमै पहिलोपटक सेक्स चेन्ज अपरेसन (मेल टु फिमेल) शल्यक्रिया सफलतापूर्वक सम्पन्न भएको जानकारी दिएको छ ।
पत्रकार सम्मेलनमा यो अप्रेशन गर्न विदेश जानुपर्ने बाध्यता मात्र नभई धेरै खचिलो समेत हुने भएकाले अब नेपालमा यो सुविधा उपलब्ध भएपछि ट्रान्सजेन्डर सुमदायलाई धेरै राहत मिल्ने बताइएको थियो ।
‘जनकपुर निवासी २५ वर्षिया ट्रान्सजेन्डरमा गरिएको यस सेक्स चेन्ज अपरेसनमा पुरुषको लिंगको तन्तुहरूलाई चाहिने मात्रामा उपयोग गरेर महिलाको जैनेन्द्रीय अंगको पुनर्निर्माण गरिएको अस्पतालले जनाएको छ ।
विदेशी विशेषज्ञ प्लास्टिक सर्जन डा.अलिरेजा हामिदियन जारोमीको नेतृत्वमा तथा विभागीय प्रमुख प्रा।डा।जयन मान श्रेष्ठको संयोजकत्वमा उक्त अप्रेशन सम्पन्न भएको अस्पतालद्धारा जारी बिज्ञप्तिमा उल्लेख छ ।
प्लास्टिक, रिकन्स्ट्रक्टिभ तथा एस्थेटिक सर्जरी विभागले २०८२ साल जेठ १२ देखि १५ गतेसम्म सञ्चालन गरेको विशेष सर्जिकल क्याम्पमा अनुहार, स्तन तथा जननेन्द्रिय सम्बन्धी विभिन्न शल्यक्रियाहरू सम्पन्न गरेको थियो ।
यस्तो छ अस्पतालले जारी गरेको बिज्ञप्ति :
© 2026 All right reserved to onlinenepal.com
Design & Developed By
