रास्वपाको पाँच बुँदे प्रस्ताव सत्ता पक्षलाई मनाउने प्रयासमा विपक्षी दल

अनलाइन नेपाल

बुधवार , जेठ २९, २०८२

काठमाडौं । माओवादी केन्द्र सहितका विपक्षी दलहरुको बैठकले संसदको अवरोध खुलाउन सहमतिका लागि रास्वपाले ल्याएको पाँच बुँदे प्रस्ताव स्वीकार गरेको छ ।

आज बिहान संसद भवनमा बसेको विपक्षी दलका नेताहरुको बैठकले सत्ता पक्षका दलहरुलाई पनि मनाउन प्रयास गर्ने निर्णय गरेको छ ।

बैठकमा विपक्षी दलका नेताहरु वर्षमान पुन, हितराज पाण्डे, सन्तोष परियार, राजेन्द्र पाण्डे, प्रभु साहलगायत सहभागी थिए ।

बैठक सकिएपछि माओवादी केन्द्रका प्रमुख सचेतक हितराज पाण्डे र रास्वपाका प्रमुख सचेतक सन्तोष परियार कांग्रेस–एमालेका नेताहरुलाई भेट्न गएका छन् ।

भिजिट भिसा प्रकरणमा गृहमन्त्री रमेश लेखकको राजीनामा र छानबिन समिति गठन गर्नुपर्ने लगायतका पाँच बुँदे प्रस्ताव रास्वपाले राख्दै आएको छ ।

यसलाई सत्ता पक्षले स्वीकार नगर्दा संसदको गतिरोध अन्त्य हुन सकेको छैन ।

प्रतिक्रिया दिनुहोस्

नयाँ अपडेट

थप नयाँ अपडेट

'अलगै लेभलका बन्दा' भनेको तीन दिनमै प्रधानमन्त्री बालेनमाथि किन खनिए सीके राउत ?