काठमाडौं । नेकपा (माओवादी केन्द्र) को पदाधिकारी बैठक पार्टी मुख्यालय पेरिसडाँडामा बसिरहेको छ ।
बैठकमा रूपन्देही–३ मा हुन लागेको प्रतिनिधिसभा उपनिर्वाचनलगायत समसामयिक राजनीतिक विषयहरूबारे गम्भीर छलफल भइरहेको हो ।
बैठकले रुपन्देही–३ उपनिर्वाचनका लागि उम्मेदवार चयन, प्रचार रणनीति र गठबन्धनबीचको सहकार्यबारे महत्वपूर्ण निर्णय गर्ने अपेक्षा गरिएको छ।
त्यस्तै संसद्को भूमिका, सरकारको कार्यसम्पादनलगायतका विषयमा पनि छलफल हुने बताइएको छ।