नेकपा एमाले संसदीय दलको बैठक च्यासलमा

अनलाइन नेपाल

मंगलवार , आषाढ ९, २०८३

काठमाडौं । नेकपा एमालेको संसदीय दलको बैठक जारी छ।

मंगलबार ललितपुरको च्यासलस्थित पार्टी केन्द्रिय कार्यालयमा बैठक बसिरहेको हो।

बैठकमा पार्टी अध्यक्ष केपी शर्मा ओलीलेओलीले समसामयिक अवस्थाबारे ब्रिफिङ गरिरहेका छन् ।

बैठकमा संसद्मा पार्टीको आगामी भूमिका, प्रभावकारी रणनीति र विकसित समसामयिक राजनीतिक घटनाक्रमका विषयमा कन्द्रीत रहेर छलफल हुने बताइएको छ ।

विशेषगरी, पार्टीका उपाध्यक्ष विष्णु पौडेलसँग जोडिएको पछिल्लो घटनाक्रमका सम्बन्धमा समेत बैठकमा आवश्यक समीक्षा रणनीति तयार पार्ने कार्यसूची रहेको छ ।

सोमबार पार्टी कार्यक्रमको शिलशिलामा सुर्खेत पुगेका पौडेललाई सम्पत्ति शुद्धिकरण अनुसन्धान विभागको टोलीले कार्यक्रमस्थलबाटै पक्राउ गरेको थियो ।

यपक्राउपछि सोमबार राती नै काठमाडौंका लागि हिँडाइएका पौडेललाई सार्वजनिक सवारीसाधनमार्फत आज मध्यान्न १२ः१५ बजे आसपास विभागमा पुर्‍याइएको छ ।

यस्तै संसदीय दलको बैठकपश्चात आजै साँझ पार्टी अध्यक्ष केपी शर्मा ओलीको भक्तपुरस्थित गुण्डु निवासमा सचिवालय बैठक समेत आह्वान गरिएको छ ।

उक्त बैठकले संसदीय दलको छलफल र मुलुकको पछिल्लो राजनीतिक परिस्थितिबारे थप निर्णय लिने जनाइएको छ ।

प्रतिक्रिया दिनुहोस्

नयाँ अपडेट

थप नयाँ अपडेट

रास्वपा महाधिवेशनमा प्रतिनिधि शुल्क नलिने निर्णय, बुझाएकाहरूले पनि फिर्ता लिन सक्ने